O viveiro xestionado pola Xunta en Bértoa (Carballo) xa dispón de semente de piñeiros resistentes ó nematodo. Esa semente pódeselle facilitar a viveiros forestais coa garantía dun control fitopatolóxico estricto. Polo tanto, os propietarios poden solicitarlle ós viveiros estas plantas, que irán identificadas cunha etiqueta rosa.
XERA, Axencia Galega da Industria Forestal, programa tres módulos formativos de especialización sobre tecnoloxía da madeira, mellora continua e prevención de riscos laborais.
A Fundación Arume e a cooperativa CLUN veñen de asinar un convenio de colaboración polo que se comprometen a impulsar de xeito conxunto proxectos forestais. A alianza entre o sector forestal e o sector lácteo constitúe un fito histórico e inicia o camiño para que as empresas galegas compensen as súas emisións de CO2 con investimentos no monte, que como é sabido, actúa de sumidoiro do dióxido de carbono atmosférico. Estes investimentos contribuirán a mitigar o cambio climático e á prevención de incendios en Galicia.
Unha xornada organizada por Abanca Agro, en colaboración coa Fundación Arume, abordou a oportunidade que representa a descarbonización da economía para o monte galego. O evento serviu para poñer de manifesto que as empresas interesadas en compensar as súas emisións de CO2 teñen a posibilidade de investir en proxectos de restauración de montes en Galicia, unha liña con grandes expectativas para os próximos anos.
Un foro online sobre a resiliencia dos montes de coníferas, promovido pola Fundación Arume, conclúe a necesidade de crear programas transnacionais que aceleren a obtención de resultados, ante as ameazas ambientais e de novas de patoloxías