A Fundación Arume organiza un Encontro para abordar as perspectivas da madeira de piñeiros en Galicia
A Fundación Arume asina con Medio Rural un convenio para impulsar en Galicia a mellora xenética do piñeiro
O obxectivo é ofrecerlle ós propietarios forestais planta de alta calidade, para o que se inicia unha colaboración público – privada con participación de toda a cadea forestal e da madeira
Os viveiros galegos, agrupados en VIFOGA, e o Centro de Investigación Forestal de Lourizán emprenden un programa de produción de planta de alto valor xenético
‘Pino de Galicia’ posiciónase no mercado da edificación coa súa participación na feira Rebuild (Ifema), o principal evento estatal do sector
A marca de garantía, promovida pola Fundación Arume, comezará a funcionar este outono. O obxectivo do novo selo é estandarizar a clasificación dos produtos de primeira e segunda transformación da madeira que ofrecen as empresas galegas, así como certificar a súa calidade
A Fundación Arume inicia o tratamento de piñeirais da provincia de Lugo afectados polas enfermidades das bandas
A actuación desenvólvese en colaboración coa Consellería do Medio Rural e non ten custo para os propietarios. Os interesados poden contactar coa Fundación para solicitar a aplicación dos tratamentos
O piñeiro de Galicia benefíciase do aumento da demanda mundial de madeira, cunha suba de prezos e de operadores interesados na súa transformación
As coníferas galegas encarecéronse arredor de 5 euros / tonelada na primeira metade do 2021, con perspectivas de que continúen as subas de prezo no segundo semestre do ano.
Propietarios forestais e industria da madeira están ante a oportunidade de consolidar unha mellora estrutural para o piñeiro, máis alá da situación coxuntural favorable.
‘Únicla Cero Emisións’, primeiro produto que compensa a súa pegada de carbono na restauración do monte galego
A cooperativa Clun, por medio dun convenio coa Fundación Arume, está a contribuír á recuperación ambiental de bosques afectados por incendios forestais.
Oportunidades de investimento no monte en compensación de emisións: xornada de Abanca en vídeo.
Neste vídeo, recóllense todas as intervencións e ponencias presentadas na xornada que organizou Abanca para abordar as posibilidades de investimento no monte, no marco da compensación de emisións de CO2 e da bioeconomía.
A xornada celebrouse o pasado decembro, con participación de destacados expertos e técnicos.
Piñeiros resistentes ó nematodo, dispoñibles para a súa comercialización en viveiros
O viveiro xestionado pola Xunta en Bértoa (Carballo) xa dispón de semente de piñeiros resistentes ó nematodo. Esa semente pódeselle facilitar a viveiros forestais coa garantía dun control fitopatolóxico estricto. Polo tanto, os propietarios poden solicitarlle ós viveiros estas plantas, que irán identificadas cunha etiqueta rosa.
Formación sobre construción con madeira para profesionais da industria forestal
XERA, Axencia Galega da Industria Forestal, programa tres módulos formativos de especialización sobre tecnoloxía da madeira, mellora continua e prevención de riscos laborais.
A Fundación Arume e a cooperativa Clun asinan un convenio que abre unha ruta de descarbonización para a economía galega
A Fundación Arume e a cooperativa CLUN veñen de asinar un convenio de colaboración polo que se comprometen a impulsar de xeito conxunto proxectos forestais. A alianza entre o sector forestal e o sector lácteo constitúe un fito histórico e inicia o camiño para que as empresas galegas compensen as súas emisións de CO2 con investimentos no monte, que como é sabido, actúa de sumidoiro do dióxido de carbono atmosférico. Estes investimentos contribuirán a mitigar o cambio climático e á prevención de incendios en Galicia.