O Grupo Operativo Piña, impulsado pola Fundación Arume, creou tres campos de pés nai, a partir dos que este outono – inverno comezará a xerar planta para parcelas demostrativas e comercialización
• O país escandinavo destaca polos seus bosques boreais, conformados en arredor dun 90% por coníferas, e pola súa tradición de construción en madeira
• O foro contará con tres bloques temáticos principais, nos que se abordará a potencialidade da madeira na promoción de vivendas, os retos da xestión conxunta do monte e a vinculación do piñeiro coa identidade cultural galega
A Fundación Arume presenta o programa de Piñeiros 26, a sexta edición do encontro internacional especializado nas coníferas, que se desenvolverá o martes 20 de outubro na Cidade da Cultura de Santiago (Edificio Fontán).
Este ano, Piñeiros 26 contará con Finlandia como país convidado, con ponentes que explicarán as claves forestais, industriais e da arquitectura en madeira no país escandinavo. Finlandia destaca pola súa riqueza forestal, con bosques boreais nos que as coníferas son as protagonistas, principalmente o piñeiro silvestre e os abetos, que ocupan arredor do 90% das masas boscosas, en tanto as frondosas caducifolias, sobre todo os bidueiros, ocupan o 10% restante.
Esa riqueza forestal correspóndese cunha importante tradición de construción con estruturas de madeira, así como cunha potente industria de aserrado ligada á carpintería e interiorismo.
Sesión inaugural con Antón García Abril
O foro contará cunha sesión inaugural na que está prevista a intervención de Antón García Abril, un arquitecto multipremiado que se caracteriza pola innovación tecnolóxica e de tipoloxías, contando con numerosas obras de referencia internacional. García Abril é ademais profesor titular na Escola de Arquitectura e Planificación do Instituto Tecnolóxico de Massachusetts (MIT), combinando a práctica da profesión coa academia.
A esta sesión inaugural seguiranlle tres bloques temáticos principais, que abordarán o papel da construción en madeira na promoción de vivendas, o asociacionismo no monte e a vinculación do piñeiro coa identidade cultural. O foro conta coa colaboración Abanca, a Fundación Juana de Vega, o Colexio Oficial de Arquitectos de Galicia, Esterea, e o Instituto Forestal Europeo.
PROGRAMA DE PIÑEIROS
8:45 - 9:30 Recepción de asistentes
9:30 Benvida e inauguración
Xosé Mera, presidente da Fundación Arume. Representante institucional.
10:00 Sesión inaugural
Antón García-Abril, Profesor Catedrático no MIT na Escola de Arquitectura e Urbanismo.
10:30 A madeira como resposta, solucións reais ao desafío da vivenda
Modera: Teresa Táboas, Secretaria Xeral da International Union of Architects (UIA).
Presentación inicial: Selina Anttinen, Anttinen Oiva Architects (AOA).
Participan:
David Martínez, Director de Desarrollo Inmobiliario MERLIN Properties.
María Teresa Verdú, Directora Xeral de Axenda Urbana e Arquitectura, Ministerio de Vivenda e Axenda Urbana.
11:45 Pausa café
12:15 Mover os marcos, novos modelos para a xestión da propiedade forestal
Modera: Inazio Martínez, Xefe do Equipo de Innovación Forestal da EFI (European Forest Institute).
Presentación inicial: Kalle Ikonen, Director de Asuntos Corporativos Metsä Group.
Participan:
Daniel Rodríguez, Director Económico da AFG (Asociación Forestal de Galicia).
Pedro Gomes, Director Executivo e Coordinador de BALADI (Federação Nacional dos Baldios, Portugal).
María José Sueiro Damil, Propietaria forestal particular na Xironda (Cualedro).
13:30 Xantar
15:30 A memoria do monte: historia e evolución do territorio en Galicia e Finlandia
Modera: Ana Cabana, Profesora titular do Departamento de Historia e Vicerreitora de Cultura, Lingua e Patrimonio da USC.
Presentación inicial: Jan Kunnas, Doutor en Historia e Civilización, Investigador Senior na Universidade do Leste de Finlandia.
Participan:
Xesús Balboa, Profesor titular de Historia Contemporánea na USC e membro do Grupo HISTAGRA (Historia Agraria e Política do Mundo Rural).
Ana Blanco, arquitecta e urbanista, @Miradenovo.
16:45 Acto de clausura
Representante institucional
Sobre a Fundación Arume
A Fundación Arume, entidade declarada de interese para o desenvolvemento forestal de Galicia, está integrada polo conxunto da cadea forestal -madeira da comunidade: asociacións de propietarios forestais, empresas de servizos e enxeñaría, viveiros, serradoiros, fabricantes de taboleiro, Universidade de Vigo e Abanca-. A Fundación traballa a prol do desenvolvemento do territorio, da súa multifuncionalidade, resilencia e biodiversidade.
• Nunha reunión celebrada na mañá do venres 26 de xuño en Ames (A Coruña), a Fundación presentou balance e liñas de actuación das dúas mesas de traballo nas que se organiza a entidade, a Mesa de Monte e a Mesa de Mercado
• O evento contou coa asistencia do director xeral da Axencia Galega da Industria Forestal XERA, Alfredo Fernández Ríos, e da directora xeral de Ordenación e Planificación Forestal, Luisa Piñeiro
O Padroado da Fundación Arume mantivo o venres unha reunión en Ames (A Coruña) para facer balance do último ano e planificar a continuidade das súas liñas de traballo. O evento serviu para marcar os desafíos tanto a nivel de monte como de mercado, os dous focos nos que organiza o seu traballo a Fundación.
Na parte forestal, o foco sitúase en continuar avanzando na mellora xenética das tres especies de piñeiro nas que está centrado o traballo da Fundación: o piñeiro do país (Pinus pinaster), o piñeiro radiata e o piñeiro taeda.
Este último, o piñeiro taeda, presenta a vantaxe de ser resistente ao fungo das bandas, que afecta nos últimos anos ao piñeiro radiata, polo que a Fundación Arume vai implantar parcelas de ensaio en monte con semente procedente de Uruguai, a fin de testar o seu resultado en distintas zonas de Galicia, con diferentes altitudes e tipos de solo.
En paralelo, a Fundación está a impulsar a reprodución vexetativa (estaquillado) de planta de alta xenética, tanto de piñeiro do país como de piñeiro radiata. A reprodución vexetativa, con enraizamento de estaquillas, permite multiplicar a cantidade de planta de alta xenética que se pode transferir aos propietarios forestais e comunidades de montes veciñais.
Os avances en sanidade vexetal e silvicultura son as outras dúas grandes liñas de traballo da Mesa de Monte.
No que respecta á Mesa de Mercado, o seu obxectivo sitúase en posicionar a madeira de piñeiro de Galicia ante prescriptores e consumidores, de xeito que se logre a xeración de máis valor. Para iso, a Fundación Arume traballa en reforzar a marca de garantía Pino de Galicia, enfocándose na construción activa da demanda, para o que se buscará gañar notoriedade, credibilidade e difusión.
Formación en arquitectura en madeira
De cara a fomentar os novos usos da madeira, a Fundación Arume, ao abeiro das axudas XERA-SAVIA da Axencia Galega da Industria Forestal (XERA), está a organizar o seu primeiro programa formativo de arquitectura en madeira, denominado 'O futuro é madeira', que se desenvolverá a partir de setembro durante 9 venres consecutivos, constando de 5 sesións teóricas e 4 xornadas de visitas. As prazas son limitadas e a inscrición está aberta, a un prezo de 250 euros.
Prema aquí para acceder a máis información e á solicitude de inscrición.
Sobre a Fundación Arume
A Fundación Arume, entidade declarada de interese para o desenvolvemento forestal de Galicia, está integrada polo conxunto da cadea forestal – madeira da comunidade: asociacións de propietarios forestais, empresas de servizos e enxeñaría, viveiros, serradoiros, fabricantes de taboleiro, Universidade de Vigo e Abanca. A Fundación traballa a prol do desenvolvemento do territorio, da súa multifuncionalidade, resilencia e biodiversidade.
• O evento adicaralle este ano protagonismo á cadea forestal – madeira de Finlandia. O país escandinavo destaca polos seus bosques boreais, conformados en arredor dun 90% por coníferas, e pola súa tradición de construción en madeira
• O foro contará con tres bloques temáticos principais, nos que se abordará a potencialidade da madeira na promoción de vivendas, os retos da xestión conxunta do monte e a vinculación do piñeiro coa identidade cultural galega
⦁ A Fundación Arume, que leva a dirección técnica da campaña en colaboración coa Xunta de Galicia, está a recoller o interese dos propietarios que queiran entrar no plan de control
⦁ Medio Rural, a través de Seaga, encargarase das aplicacións de abonos foliares para fortalecer as masas de Pinus Radiata e aumentar a súa resiliencia fronte á banda marrón e á banda vermella
⦁ Na mañá de hoxe, mércores 13 de maio, desenvolveuse unha visita técnica a un piñeiral de Guitiriz tratado o ano pasado, onde se comprobou a eficacia das aplicacións
A campaña de control da banda vermella e da banda marrón, impulsada pola Fundación Arume e a Xunta de Galicia, está a xerar un importante interese. Propietarios forestais e comunidades de montes veciñais en man común solicitáronlle xa á Fundación Arume a incorporación na campaña de máis de 5.200 hectáreas de piñeiro radiata.
A Fundación Arume encárgase este ano da dirección técnica da campaña. A súa tarefa principal consiste na identificación e mapeo das parcelas forestais que os propietarios solicitan incluír nas accións de control das bandas.
Toda esa información é trasladada á Consellería de Medio Rural, que decide as parcelas nas que se intervirá en función de factores como as zonas prioritarias delimitadas (ver mapa adxunto), os accesos da parcela ou a loxística das aplicacións.
Nas masas finalmente seleccionadas, é a empresa pública Seaga a encargada da operativa da aplicación de abonos foliares. Estas aplicacións teñen como obxectivo fortalecer os piñeirais e aumentar a súa resiliencia fronte á banda marrón e á banda vermella, para mellorar o estado nutricional das árbores e incrementar a súa capacidade de defensa.
Os traballos de mapeo das parcelas atópanse xa avanzados e as actuacións de campo arrancarán en breve. Neste momento, a Fundación Arume ten 5.207 hectáreas identificadas en toda Galicia, das cales 4.726 (o 90%) corresponden á provincia de Lugo.
Na actualidade, a Fundación Arume continúa a recoller o interese de novos propietarios forestais e comunidades de montes que queiran participar no plan de loita contra as bandas.
A campaña de tratamentos para frear o avance destas doenzas fúnxicas desenvólvese en colaboración coa Dirección Xeral de Planificación e Ordenación Forestal da Xunta de Galicia.
O obxectivo é salvagardar a produtividade e o valor económico das masas de Pinus radiata, especie especialmente vulnerable, e evitar a desvalorización do monte. Os propietarios interesados nos tratamentos deben contactar coa Fundación Arume para solicitalos
A Fundación Arume preséntalle á Xunta unha proposta de metodoloxía para certificar o almacenamento de carbono en produtos de madeira para construción
O sistema definido cuantifica de xeito preciso o volume de carbono almacenado, as emisións asociadas ós produtos certificados e os créditos que se poden emitir, no marco do Mercado Voluntario de Créditos de Carbono impulsado en Galicia
A entidade amosa a súa preocupación polos datos publicados do Inventario Forestal Contínuo de Galicia 2024 e inquire ós grupos parlamentarios sobre a capacidade real da Administración para fiscalizar as medidas dunha nova moratoria máis complexa
No marco da celebración de 'Piñeiros 25', desenvolveuse o pasado xoves 30 de outubro na Casa RIA de Santiago de Compostela unha xornada técnica sobre construción en madeira, organizada pola Fundación Arume co apoio da XERA, Axencia Galega da Industria Forestal, coa finalidade de promover o diálogo entre profesionais e entidades comprometidas cunha arquitectura sostible e respectuosa co territorio.
A Fundación Arume conclúe en Pontevedra os tres días de actividades programadas no marco do encontro internacional ‘Piñeiros 25’, que este ano contou con Chile e Uruguai como países convidados